Eduart Grishaj dhe Arbana Osmani do të kurorëzojnë dashurinë e tyre me një dasmë të shtunën e ardhshme.
Dasma do të mbahet në Toskanë, Itali dhe Eduarti ka zbuluar disa detaje mbi ceremoninë, teksa ishte i ftuar në rubrikën “Galeri”, në emisionin “E Diell”.
Edi zbuloi se do jenë 120 të ftuar, pjesë e rrethit shoqëror të çiftit.
“Emisionet i mbyllëm, fëmijët i mbyllëm. Donim të bënim dhe vajzën që të mos thoshte për një pjatë nuk më ftuat dhe mua. Tani themi të bëjmë dhe dasmën. Unë dhe Arbana lëvizim goxha dhe një nga vendet tona që na pëlqen është Toskana.
Donim që dhe rrethi ynë i ngushtë ta shijojë, ta ndajmë këtë eksperiencë.
Unë të githë të ftuarit i njoh. Janë vetëm rrethi i ngushtë, 120 veta. I pari që do këndojë do jem unë, pastaj nga të ftuarit, 30 veta janë këngëtarë. Do bëjmë dhe ceremoni në kishë”, tregoi Eduarti.
