Ndërkohë që debati për ndryshimet në Kodin Penal vazhdon të jetë top temë në spektrin politik të vendit, Indeks.mk – u sjellë se sa herë ka pësuar ndryshime ky ligj ne dhjetë vitet e fundit.
Kodi penal ka pësuar ndryshime në vitin 2013, pastaj në vitin 2014 shtatë ndryshime, pothuajse çdo muaj. Në dhjetor të vitit 2015 po ashtu ka pësuar ndryshime. Të gjitha këto ndryshime gjatë qeverisjes së VMRO-DPMNE-së.
Tani kur Kodi Penal ka pësuar ndryshime për shkak të përmbushjes së dispozitave europiane, opozita ka ngritur dyshime dhe akuza për këtë proces, duke aluduar se dikush mund të ikë nga drejtësia.
Siç kanë bërë të ditur nga Qeveria, ndryshimet në Kodin Penal do të rezultojnë në procedime gjyqësore më efikase dhe efektive. Siç bëhet e ditur nga shumica parlamentare, ndryshimet do të mundësonin edhe konfiskimin efektiv të pasurisë së fituar në mënyrë të paligjshme.
“Këto ndryshime janë pikërisht ajo – ndëshkim më i shpejtë, identifikimi i akteve specifike dhe konfiskimi i pasurisë së fituar në mënyrë të paligjshme. Askund në Ligj, nëse e shikoni, nuk ka amnisti për askënd. Nëse do të kishte një amnisti, sot ndoshta dikush do të ishte amnistuar tashmë, sepse ligji tashmë është nënshkruar nga presidenti i vendit”, janë deklaruar nga Qeveria.
Ndryshimet në Kodin Penal u miratuan me 48 vota pro dhe u propozuan nga Qeveria. Presidenti Stevo Pendarovski, i cili nënshkroi dekretin për ndryshimet e reja, gjithashtu reagoi shpejt. Kabineti i tij vuri theksin në konfiskimin e pasurisë dhe theksoi se ata nuk parashikonin amnisti për krimet e kryera gjatë kryerjes së shërbimit.(Indeks.mk)
