Tre të lënduar, njëri prej të cilëve në gjendje të rëndë, në aksidentin në bulevardin “KAÇKM” Shkup

Tridhjetë e tre vjeçarja nga Koçani, S. M., ka pësuar lëndime të rënda trupore, ndërsa dy persona të tjerë janë lënduar lehtë në aksidentin e mbrëmshëm që ka ndodhur në bulevardin KAÇKM në Shkup, njofton MIA.

“Në aksident ka mbetur e plagosur rëndë pasagjerja e veturës S. M. (33) nga Koçani, dhe dy vozitësit kanë pësuar lëndime fizike, të konstatuara në Kompleksin e klinikave “Nënë Tereza” dhe Spitalin e Përgjithshëm të qytetit “Shën Naum Ohri”, ka thënë për MIA-n nga SPB Shkup.

Policia thotë se në vendin e aksidentit ka kontrolluar ekipi inspektues nga SPB Shkup.

Nga NTP Shkup bëjnë të ditur se në autobusin “Jutong” që qarkullonte në linjën 3 nuk kishte pasagjerë, ai kishte përfunduar turnin dhe po tërhiqej në garazh në Autokomandë.

“Lëndime të lehta ka pësuar drejtuesi i autobusit, ndërsa më rëndë drejtuesi dhe pasagjeri i mjetit motorik të pasagjerëve. Në të dy automjetet janë shkaktuar dëme materiale. Sipas këqyrjes dhe procesverbalit të kontrollit të brendshëm të NTP-së, mjeti motorik i pasagjerëve ka goditur autobusin me shpejtësi të papërshtatshme”, thonë nga NTP “Shkup”.

Sipas policisë, aksidenti ka ndodhur mbrëmë, rreth 10 minuta para mesnate, në udhëkryqin e bulevardit KAÇKM mes të automjetit të pasagjerëve BMW me targa të Shkupit, i drejtuar nga 29-vjeçari nga Shkupi S. J. dhe një autobus NTP, me drejtues 33-vjeçarin S. B. nga Shkupi.

Në udhëkryqin e mëngjesit të sotëm kanë mbetur mbetje të automjeteve të dëmtuara, ndërsa komunikacioni zhvillohej në një korsi dhe është rregulluar nga policia rrugore.

Share

About Us

Follow Us

Copyright 2023. All Rights Reserved.