Pamje të rënda janë publikuar nga brenda spitalit të Elbasanit. Një e re që mendohet se është infermiere në spitalin Rajonal të Elbasanit e quajtur Silvana ka publikuar video në TikTok gjatë kryerjes së punës së saj në repartin e Kirurgjisë në spitalin e Elbasanit.
Në një video të publikuar në TikTok ajo ka treguar kolegët e saj në sallën e operacionit, embrionin e një foshnje pas aborti, gjakun e pacientëve, pajisjet e spitalore dhe veten e saj duke pozuar korridoreve të spitalit. Infermierja raportohet se vazhdon studimet në Fakultetin e Shkencave Mjekësore. Pas kritikave në rrjet për pamjet e reja më pas vendosi që t’i fshinte.
