Drejtori i Byros për Meterologji ka njogtuat për mbajtjen e një takimi të rëndësishëm të Bordit të Drejtorëve nga grupi i punës së EURAMET, Organizatës Evropiane të Metrologjisë Ligjore.
Takimi u organizua nga Byroja për Metrologji e Republikës së Maqedonisë së Veriut, si një anëtar aktiv i EURAMET.
Takimi kishte për qëllim të diskutonte çështjet aktuale dhe sfidat në fushën e metrologjisë, si dhe të shkëmbente përvoja dhe praktika më të mira mes instituteve metrologjike të vendeve evropiane. Takimi u karakterizua nga një pjesëmarrje e lartë dhe aktive e përfaqësuesve nga Gjermania, Lituania, Estonia, Bosnja dhe Hercegovina, Bullgaria, Molldavia, Mbretëria e Bashkuar, Irlanda, Portugalia, Finlanda, Kroacia, Republika Çeke, Mali i Zi, si dhe nga lidhje online nga vende të tjera.
Një nga pikat kryesore të takimit ishte ndërtimi i kapaciteteve të instituteve metrologjike, si një prioritet për zhvillimin e infrastrukturës së matjeve në Evrop.
“Me sukses përmbyllëm sot takimin vjetor treditor të Bordit të Drejtorëve nga grupi i punës së EURAMET, nikoqir i të cilit ishte Byroja për Metrologji e RMV-së.
Ishte një takim i frytshëm me pjesëmarrje aktive të të gjithë pjesëmarrësve, si të atyre që ishin me prezencë fizike nga Gjermania, Lituania, Estonia, Bosnja dhe Hercegovina, Bullgaria, Molldavia, Mbretëria e Bashkuar, Irlanda, Portugalia, Finlanda, Kroacia, Republika Çeke, Mali i Zi, poashtu edhe me lidhje online u inkuadruan edhe shumë përfaqësues të instituteteve metrologjike nga vendet tjera të Evropës.
Ndërtimi i kapaciteteve të instituteve metrologjike, mbetet një nga prioritet si për institutet tjera, ashtu edhe për Byronë për Metrologji të Repubikës së Maqedonisë së Veriut”, tha Selami.
