Kreu i Aleancës për Ardhmërinë e Kosovës, Ramush Haradinaj, ka përkujtuar vëllain e tij Luanin, në 26 vjetorin e rënies së tij.
Përmes një postimi në Facebook, Haradinaj ka thënë se heroizmi, krenaria e liria që e gëzojmë, gjithmonë do të mbizotërojnë mbi dhembjen, raporton Express.
“Luan, 26 vjet më parë fitove përjetësinë, pikërisht në ditëlindjen e nanës Rukë. Heroizmi, krenaria e liria që e gëzojmë, gjithmonë do të mbizotërojnë mbi dhembjen”, thuhet në postimin e tij.
Ndryshe, sot bëhen 26 vjet nga rënia e heroit Luan Haradinaj. Ai ishte vrarë në njërën prej betejave të para të UÇK-së kundër forcave pushtuese serbe, më 6 maj të vitit 1997, në kufirin shqiptaro-shqiptar.
Luan Haradinaj kishte rënë heroikisht në vendin e quajtur “Qafmullar”.
