Gjatë ditës së djeshme ekipet e zjarrfikësve kanë intervenuar në gjithsej 22 zjarre, ndërsa një është ende aktiv – në Komunën e Makedonski Brodit, mbi fshatin Belicë, afër fshatit Argulicë, ku gjendet pylli i rrallë me pisha në terren të paarritshëm dhe të vështirë”, njoftoi QMK.
Nga atje njoftojnë se ka më shumë zjarre në natyrë gjatë fundjavës. U bëjnë thirrje të gjithë fermerëve dhe blegtorëve që të mos djegin kashtë dhe kullota dhe banorëve të qytetit të përmbahen nga ndezja e zjarrit gjatë qëndrimit në natyrë. Drejtori i QMK-së Stojançe Angellov thotë se ka kohë që nuk ka reshje të rënda dhe nuk priten të paktën deri të hënën, bimësia është jashtëzakonisht e thatë, temperaturat ditore janë ende të larta, zjarrfikësit dhe pilotët janë të rraskapitur dhe nuk ka më fuqi.
Në 21 vatrat e zjarrit të shuara ditën e djeshme në të gjithë vendin, janë djegur kashtë, bari i thatë, bimësi e ulët, pyje të përziera dhe pisha, mbeturina dhe plantacione frutore.
Nga një zjarr ka pasur në 13 komuna: Shuto Orizarë, Çuçer-Sandevë, Studeniçan, Prilep, Krushevë, Çashkë, Rosoman, Shtip, Çeshinovë-Obleshevë, Zërnovc, Shën Nikollë, Saraj dhe në komunën Gjoçe Petrov. Dy zjarre ka pasur në dy komuna: Dollnen dhe Nagoriçan i vjetër. Katër zjarre ka pasur në Komunën e Kumanovës, konkretisht në lagjen “Karposh”, afër fshatit Çerkezë, fshatin Reçicë dhe afër vendit “Nikulski Pat” në lagjen “Karposh”, ku digjet bimësi e ulët dhe kashtë.
Zjarret, si dhe emergjenca të tjera që përbëjnë rrezik për qytetarët, të mirat materiale dhe natyrore, raportohen në 112 në QKM.
