Në Hagë është duke vazhduar gjykimi ndaj ish krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Prokurori i Speciales, Matthew Hallin në deklarimin e tij potencoi se, Hashim Thaçi, Kadri Veseli, Jakup Krasniqi dhe Rexhep Selimi kishin kompetenca brenda UÇK-së, që të kryejnë krime.
“Thaçi, Veseli, Krasniqi dhe Selimi kishin kompetenca për të kryer krime”, theksoi ai.
Prokurori duke folur për historinë e themelimit të UÇK-së, tha se struktura e ushtrisë ishte në kundërshtim me qasjen e LDK-së, me kryetarin e atëhershëm të LDK-së, Ibrahim Rugova.
Mes tjerash, ai tha se UÇK përmes Adem Jasharit kishte filluar të sulmojë forcat serbe rreth vitit 1999.
Gjykimi ndaj krerëve ka filluar rreth orës 09:00, ndërkaq të pafajshëm u deklaruan katër të akuzuarit. /Telegrafi/
