Pa ndryshimet kushtetuese, hyjmë në grupin e vendeve me çështje të hapura

Kundërshtarët e ndryshimeve kushtetuese në fakt janë përkrahës të ideve të radikalëve bullgarë se perspektiva evropiane e shtetit duhet të reduktohet në marrëdhënie bilaterale me Republikën e Bullgarisë, tha ministri i Punëve të Jashtme, Bujar Osmani. Ndryshimet kushtetuese, sipas Osmanit, janë faktori që do të përcaktojë se cilit grup do t’i takojmë dhe për këtë, siç tha ai, përgjegjësia e secilit deputet është kaq e madhe.

“Nëse përfundojmë ndryshimet kushtetuese, do të hyjmë në grupin që pret të bëhet anëtare e BE-së në vitet e ardhshme. Për këtë tashmë ka një vendim në BE, nëse nuk i zgjidhim ndryshimet kushtetuese, do të hyjmë në grupin e vendeve që kanë çështje të hapura dhe më pas Marrëveshja me Bullgarinë, Protokolli dhe marrëdhëniet me Bullgarinë në përgjithësi, çështjet historike…”, tha Osmani.

Pikërisht për këtë, Osmani tha se është optimist, dhe se mendon se asnjë nga deputetët nuk do ta dënojë emrin e tij që të hyjë në histori si njerëz që e vendosin vendin në një grup vendesh me çështje të hapura. “Nga e para në një gjeneratë, në një grup vendesh që do të duhet të zgjidhin çështje të hapura”, tha Osmani. I pyetur se deri ku është zbatimi i Protokollit me Bullgarinë, Osmani tha se “ai po zhvillohet në kuadër të dinamikës së paraparë”.

Share

About Us

Follow Us

Copyright 2023. All Rights Reserved.