Osmani: Shumica e ambasadorëve janë diplomatë me karrierë, ndërsa një pjesë e vogël personalitete të shquar nga jeta politike-shoqërore

Për ambasadorë në përfaqësitë diplomatike-konsullore  dërgohen diplomatë me karrierë, ndërsa në pjesën më të vogël personalitete të shquar nga jeta politike-shoqërore, thotë shefi i diplomacisë Bujar Osmani.

Sot, pas fjalimit të Konferencës vjetore për sigurinë kibernetike/TIK që mbahet në Shkup në kuadër të kryesimit të Maqedonisë së Veriut me OSBE-në, nga një gazetar iu kërkua të komentojë për ambasadorët e sapoemëruar dhe sa prej tyre janë vendime partiake-politike, dhe sa janë diplomatë nga karriera, u përgjigj se përqindja e diplomatëve me karrierë nga Ministria e Jashtme dërgohen si ambasadorë në PDK si rrallë herë më parë.

“Përkatësisht, i gjithë grupi i drejtorëve për momentin, i drejtorive në Ministrinë e Jashtme, dërgohen si ambasadorë në vendet ku ne menduam se ishin më të përshtatshmet. Një pjesë më e vogël janë njerëz nga jeta shoqërore që janë jashtë rrjetit diplomatik, si p.sh., ish ministri i Drejtësisë Tupançevski, i cili po shkon në Beograd, si Ylber Sela, i cili është gjermanfolës, ka përfunduar studimet në Vjenë, është profesor i çështjeve evropiane dhe shkon në Berlin, Andrej Zhernovski në Bukuresht dhe Emil Kërstevski në Pragë. Ata janë njerëz jashtë rrjetit diplomatik”, tha Osmani.

Share

About Us

Follow Us

Copyright 2023. All Rights Reserved.