Ministri i Punëve të Jashtme, Bujar Osmani, tha se në bisedimet me Vesela Çernevën, e cila ishte këshilltare e ish-kryeministrit bullgar Kiril Petkov, është bërë hapi më i vogël përparimtar në marrëdhëniet Maqedoni-Bullgari, përcjell Telegrafi Maqedoni.
Në skenën politike bullgare ka akuza të rënda se ajo ka spiunuar për të mirën e Maqedonisë.
“Me Vesela Çernevën, si këshilltare e kryeministrit bullgar Kiril Petkov, zhvilluam negociatat më të vështira”, thotë Osmani në një deklaratë për “360 gradë”.
Këshilltarja e ish-kryeministrit bullgar Kiril Petkov, Vesela Çerneva, është nën hetim për dhënie të informacioneve sekrete autoriteteve në Shkup.
Ministrja e atëhershme e Punëve të Jashtme, Teodora Gençovska, madje e akuzoi Çernevën se po zbaton një politikë të jashtme paralele dhe se po lobon në negociatat me Maqedoninë.
