Kryediplomati Bujar Osmani sot në emisionin “Vetëm intervist” ka theksuar synimet e tij si president i ardhshëm i Maqedonisë së Veriut. Ministri Osmani, ka pohuar se ai është i vetmi që e kupton idenë e konsensusit për partitë politike.
“E dini sa herë kam thirrur si MPJ që të ketë një marrëveshje mbipartiake për BE-në mes partive politike. Ky do të jetë edhe synimi im nesër si president, mbi të gjitha arritjen e një marrëveshjeje mbipartiake për qëllimet kryesore strategjike, si integrimet europiane, parandalimi i depërtimit rus, si dhe në përgjithësi për politikën e jashtme…”, ka thënë mes tjerash Osmani.
