Ministri Besimi takoi ambasadorin e sapoemëruar austriak, Pamer

Ministri i Financave, Fatmir Besimi, u takua sot me ambasadorin e sapoemëruar të Republikës së Austrisë në Republikën e Maqedonisë së Veriut, Martin Pamer, me ç’rast u konfirmua bashkëpunimi i suksesshëm ndërmjet dy vendeve dhe përkrahja që vendi ynë ka nga Republika e Austrisë për perspektivën evropiane.

Në këtë takim, ministri Besimi i uroi ambasadorit Pamer mirëseardhjen në vend, mandat të suksesshëm, vijimësi dhe përmirësim të bashkëpunimit ndërmjet dy vendeve. Republika e Austrisë është përkrahëse e rëndësishme e Republikës së Maqedonisë së Veriut në procesin e eurointegrimeve, po ashtu është edhe investitore kyçe në vend, prandaj në të ardhmen pritet që këto procese të plotësohen në aspekt të zhvillimit të tyre.

Me përkrahjen e Austrisë po zbatohen më shumë projekte të cilat janë në drejtim të përforcimit të kapaciteteve të institucioneve, me qëllim përgatitjen e proceseve evropiane. Janë nënshkruar marrëveshje mes dy vendeve për mbrojtjen e investitorëve, që është domethënëse për çeljen e më shumë investimeve në vend, të cilat nga Austria, në 10 vitet e fundit janë në nivelin e mbi 500 milionë eurove. Gjithashtu, aktivitet që do të ndërmerren do të ndikojnë edhe në rritjen e shkëmbimit tregtar, ku këtë vit shënoi rritje dyshifrore.

Share

About Us

Follow Us

Copyright 2023. All Rights Reserved.