Milani arrin marrëveshje për të nënshkruar me sulmuesin Okafor

Raportime të shumta në Itali thonë se Milani ka arritur një marrëveshje për të nënshkruar me Noah Okafor nga Red Bull Salzburg.

Sipas Sky Sport Italia, kuqezinjtë do të nënshkruajnë me sulmuesin zviceran për 13-15 milionë euro, duke përfshirë bonuses.

Në anën tjetër, sipas ekspertit të transferimeve, Fabrizio Romano, 23-vjeçari do t’i nënshtrohet testeve mjekësore me gjigantët e Serie A të shtunën.

Okafor ka shënuar 34 gola në 110 ndeshje me Salzburgun, duke përfshirë një kundër kuqezinjve në një ndeshje të fazës së grupeve të Ligës së Kampionëve sezonin e kaluar.

Ai iu bashkua klubit austriak nga Baseli për 11.2 milionë euro në janar të vitit 2020.

Milani vazhdon bisedimet me Villarrealin për anësorin nigerian Samuel Chukëueze dhe është i bindur se do të sigurojë një marrëveshje për rreth 30 milionë euro.

Kuqezinjtë kanë nënshkruar me pesë lojtarë këtë verë pasi e shitën Sandro Tonalin te Neëcastle United për rreth 80 milionë euro.

Blerjet e reja të Milanit janë Marco Sportiello, Luka Romero, Christian Pulisic, Ruben Loftus-Cheek dhe Tijjani Reijnders.

Gjigantët e Serie A do të nisen për turneun e tyre parasezonal në SHBA sot, e premte, 21 korrik. /Telegrafi/

Share

About Us

Follow Us

Copyright 2023. All Rights Reserved.