Nicolas Malvagna, 27-vjeçari nga New Jersey, i cili akuzohet se e plagosi Bebe Rexhën duke i hedhur telefonin e tij në fytyrë, ndërsa ajo po performonte në New York City të dielën, po pretendon se kishte shpresuar që Rexha ta kapte pajisjen me dorë.
“Si një fans, qëllimi i vetëm i zotit Malvagna ishte që zonjusha Rexha të bënte fotografi me telefonin e tij dhe ta kishte atë si një kujtim”, tha avokati i tij Todd A. Spodek për DailyMail.
“Nuk ka qenë asnjëherë qëllimi i tij për të lënduar zonjën Rexha”, shtoi avokati.
Incidenti ndodhi teksa këngëtarja 33-vjeçare po përmbyllte koncertin e saj të radhë të mbajtur në ‘The Rooftop at Pier 17’ në New York, në kuadër të turneut të saj “Best F**n Night Of My Life”.
Pas incidentit të dielën, Malvagna u lirua me dijeninë e tij dhe u urdhërua të mbante distancën nga këngëtarja përpara një date gjykate për këtë çështje më 31 korrik.
Malvagna përballet me një vit paraburgim nëse dënohet për akuzat, tha sekretari i shtypit i DA Douglas Cohen, sipas NBC News.
Pavarësisht lëndimeve, të cilat ishin evidente në një sërë postimesh të Bebe Rexhës në rrjetet sociale, këngëtarja u shfaq e përgatitur për të vazhduar me turneun e saj aktual.
