Lamine Yamal është talenti i momentit në botë, pasi ka befasuar të gjithë me paraqitjet e tij të mrekullueshme, Lojtari i Barcelonës, vetëm 16 vjeç, ka shpërthyer në elitë me shpejtësi marramendëse. Prandaj shumë klube e kanë vënë re atë dhe e duan në ekipin e tyre.
Sipas David Sanchez në Radio MARCA, Manchester City bëri gjithçka në përpjekje për të nënshkruar me talentin e Barçës këtë verë.
Enric Masip, këshilltari i Laportës, pranoi në deklaratat për Esport 3 se kishte një ekip që e kishte pyetur për të.
“Lamine Yamal dhe Balde kanë qenë në një situatë të rëndë për t’u larguar këtë verë, sepse ka një klub që u përpoq t’i ‘kapte’ ata”, ka thënë Masip.
🚨 EXCLUSIVA #DSF de @David74Sanchez
❌ El equipo que estuvo cerca de llevarse a LAMINE YAMAL del Barça no es el Real Madrid
💙 El equipo que vino con todo a por el canterano del Barcelona fue el Manchester City
📌Apunta @Rulo_Fuentes_: Las relaciones Barça-City han empeorado pic.twitter.com/xcdUU8Ujp8
— Radio MARCA (@RadioMARCA) September 15, 2023
Deco, në prezantimin e tij si Drejtor Sportiv i klubit të Barçës, shpjegoi edhe këtë javë se si ishte situata në lidhje me zgjatjen e kontratës së dy talenteve.
“Ata janë duke u zhvilluar, plani i klubit është t’i mbajë ata. Sigurisht që ne do të rinovojmë ata. Lamine Yamal do të nënshkruajë deri në vitin 2026, pasi duke qenë vetëm 16 vjeç, nuk mund të nënshkruajë kontratë më të gjatë. Dhe Balde, në parim, do ta bëjë këtë deri në vitin 2028”, ka thënë fillimisht Deco.
“Ai është një lojtar që na ka befasuar. Ai i ka këmbët në tokë. Ka një cilësi tjetër. Sot po kalojmë një situatë të rëndësishme për klubin. Ka shumë protagonistë të rinj. Ai është 16 vjeç dhe ne kemi për ta lënë të argëtohet. Trajneri do të dijë si ta trajtojë atë dhe rritja e tij le të jetë e vazhdueshme”, përfundoi portugezi. /Telegrafi/
