Partia maqedonase në pushtet LSDM, në një kumtesë për media thotë se VMRO-DPMNE po shpërbëhet.
Nga LSDM thonë se opozita maqedonase ka probleme të mëdha të brendshme partiake.
“Mickoski për përçarjet dhe grindjet e brendshme në VMRO-DPMNE nuk duhet t’ia ngarkojë LSDM-së. I dëshpëruari Mickoski të mos ndërhyjë fare me LSDM-në në ballafaqimin e ndërsjellë dhe t’i zgjidhë vetë zënkat”, thuhet në reagimin e LSDM-së.
“Publiku ende pret përgjigje nga Mickoski për marrëveshjet me Gruevskin. A po i fsheh kërkesat për amnisti të bashkëpartiakëve të tij, për shkak të pakënaqësisë që ndodhen brenda partisë së tij”, tha LSDM.
