Opozita shqiptare po e humb lidhjen me popullin dhe po fokusohen më shumë në interesat e tyre personale. Kjo sjell mungesë besimi dhe shkakton pakënaqësi në publik. Nevojitet një qeverisje e sinqertë dhe transparente për të përmbushur nevojat e popullit.
Kështu vlerëson analisti politik, Arben Llalla, i cili thekson se opozita shqiptare ka humbur zërin e saj në vitet e fundit dhe është bërë vasal i VMRO-DPMNE-së. Kjo ka penguar ngritjen e çështjeve të rëndësishme për komunitetin shqiptar.
Llalla më tutje shprehet se është e rëndësishme që partitë opozitare të përfaqësojnë interesat e votuesve dhe të ngritin çështje të rëndësishme për komunitetin shqiptar. Është e rëndësishme që ata të fokusohen në zbatimin e Marrëveshjes së Ohrit dhe të mbrojnë të drejtat e përdorimit të gjuhës shqipe.
Është e nevojshme që opozita të jetë e pavarur dhe të përfaqësojë vullnetin e popullit.
“Nëse flasim për këto dy vitet e fundit nuk kemi zë të opozitës shqiptare. Partitë opozitare shqiptare janë kthyer në altoparlantë, vasalë të VMRO-DPMNE-së, dhe kjo për interesat e ngushta të dy apo tre kryetarëve, Mexhitit, Gashit dhe Kasamit. Nëse do kishim vërtet zë të opozitës shqiptare, ata do të ngrinin çështjen e moszbatimit të Marrëveshjes së Ohrit, për zbatimin e përdorimit të gjuhës shqipe, etj. Pra të çështjeve që lidhen direkt me votuesit opozitarë shqiptarë dhe jo për interesa të VMRO-së”, tha Llalla.
