Mohamed Salah vazhdon të tërheqë interes nga Arabia Saudite, por Liverpool mbetet i vendosur të mbajë yllin e tyre duke refuzuar një ofertë marramendëse.
Sipas mediumit The Athletic, Liverpool ka refuzuar një ofertë verbale të Al-Ittihad për Salah. Oferta u bë gjatë një telefonate me drejtorin Mike Gordon dhe u refuzua menjëherë.
Reds e bënë të qartë se Salah nuk është në shitje dhe mbeten të vendosur për ta mbajtur atë në Anfield.
The Telegraph dhe Sky Sport News shtojnë se oferta ishte me vlerë 100 milionë funte plus 50 milionë funte bonuse, apo në total prej 175 milionë eurosh.
🚨 The bid that Liverpool rejected from Al-Ittihad for Mo Salah was worth £150,000,000! 💰
(Source: @SkySportsNews)
— Transfer News Live (@DeadlineDayLive) September 1, 2023
Sulmuesi mbetet kontraktuar me Liverpoolin deri në vitin 2025 pas nënshkrimit të një marrëveshjeje të re trevjeçare verën e kaluar. /Telegrafi/
