Vetura zyrtare e sigurimit të kryetarit të Kuvendit të Republikës së Maqedonisë, Afrim Gashi, ka dalë nga rruga në afërsi të Novosellës, Komuna e Debërcës, njofton portali Ohër1.
– Një aksident trafiku ka ndodhur sot në afërsi të Novo Sellës, Komuna e Debërcës, gjatë të cilit kanë ndërhyrë dy autoambulanca dhe një ekip i shërbimit zjarrfikës. Mësojmë se në aksident është përfshirë një veturë e sigurimit të kryetarit të Kuvendit të Maqedonisë Afrim Gashi, transmeton portali.
SPB Ohër ka konfirmuar se një veturë e sigurimit të Afrim Gashit ka dalë nga rruga në Komunën e Debrcës.
“Në aksident kanë mbetur të lënduar tre persona të cilët janë dërguar në spital”, ka thënë për portalin Ohër1, SPB Ohër.
Kryetari i Kuvendit të Republikës së Maqedonisë, Afrim Gashi, sot është për vizitë në Komunën e Ohrit, ku pritet të takohet me kryetarin e komunës, dr. Kiril Petsakov.
