Kryeministri Dimitar Kovaçevski nesër në Klubin e deputetëve do të mbajë takim me partnerët e koalicionit qeveritar, informon Indeks.mk
Siç mëson Indeks.mk, në takim do të bisedohet për aktualitetin politik në vend, ndryshimet kushtetuese dhe procesin eurointegrues të vendit.
Nga BDI për Indeks.mk konfirmojnë pjesëmarrjen e liderit Ali Ahmeti. Nga kjo parti thonë se momenti politik në të cilin ndodhet vendi kërkon dialog politik me qëllim që vendi të ecë pa pengesa në rrugën e saj drejt BE-së.
Në vigjilje të takimit të nesërm, sonte mbledhje do të mbajnë Këshilli Qendror dhe Këshilli Ekzekutiv i LSDM-së.(Indeks.mk)
