Para dy ditësh ka filluar Festivali Tradicional i Komedisë në qytetin e Mitrovicës, festival ky që shënon edicionin e 13-të këtë vit.
Festivali Tradicional i Komedisë “Mittrixfest” filloi aktivitetet e këtij edicioni të cilat do të vazhdojnë edhe për 6 ditë të tjera, duke bërë që Mitrovica të frymojë me art dhe kulturë. Programi i sivjetëm:
6 shfaqje / komedi teatrale të cilat janë në garë për çmimet që do t’i ndajë juria profesionale;
Ekspozitë e pikturave nga fëmijët me autizëm;
5 vizita turistike – promovim i qytetit dhe i trashëgimisë kulturore;
5 punëtori nga njohës të fushës së teatrit;
7 mbrëmje muzikore.
Festivali mbahet çdo natë deri më 8 tetor, në ora 19:30 në Muzeun e Qytetit të Mitrovicës.