Joshua sonte përballet me Franklin, ja në sa ora pritet të fillojë meçi

Anthony Joshua do të zbresë në ring sonte, kur do të përballet me Jermaine Franklin.

PROGRAM I PAGUAR POLITIKË 300x250

33 vjeçari vjen pas dy humbjesh radhazi nga kampioni aktual botëror i peshave të rënda, Oleksandr Usyk.

PROGRAM I PAGUAR POLITIKË 1180x200

Me këtë rast, “AJ” i kishte humbur brezat e artë të versioneve WBA, WBO e IBF, ndërsa tash do të garojë për herë të parë në një meç që s’është i vlefshëm për kampion botëror që nga viti 2015.

Fituesi i medaljes së artë olimpike në vitin 2012 synon të rikthehet në nivelet më të larta të boksit profesionist, aty ku qëndroi për disa vite.

Natyrisht, ai e di që këtë të shtunë nuk guxon të mposhtet për herë të katërt në karrierë nëse dëshiron ta realizojë meçin e ëndrrave me rivalin Tyson Fury, të cilin po e presin të gjithë.

Dueli mes Joshuas dhe Franklinit do të zhvillohet në “O2 Arena” të Londrës. Boksierët pritet të futen në ring në ora 23:15.

Koha e fillimit të meçit natyrisht se varet edhe nga koha se sa do të zgjasin edhe nëntë duelet tjera të kësaj nate.

PROGRAM I PAGUAR POLITIKË 300x250

Share

About Us

Follow Us

Copyright 2023. All Rights Reserved.