Ikën edhe një gazetare nga ALSAT!

October 2, 2023

Pas tre gazetarëve që u larguan ditë më parë nga Tv ALSAT, është larguar një gazetare tjetër. Evi Shkopi është gazetarja e katërt që largohet nga ALSAT pas Mefail Ismailit, Zejxhane Osmani dhe Valbon Bexhetit.

Mefail Ismaili pas largimit kishte shkruar  se nuk do të jetë më pjesë e ALSAT.

“Të nderuar miq e kolegë,
Prej sot nuk do të jem pjesë e TV ALSAT.
Angazhimi im profesional si gazetar do të vazhdojë edhe më tej.
Falënderoj të gjithë kolegët e Alsatit me të cilët vërtetë kam pasur një bashkëpunim dhe eksperiencë të paharrueshme. Të gjithve u uroj suksese dhe mbarësi.
Shihemi së shpejti në projekte të tjera.
“Me dinjitet, korrektësi dhe profesionalizëm” Mefail Ismaili

Edhe prezentuesja Zejxhane Osmanni tregoi se më nuk do të jetë pjesë e shtëpisë mediatike të ALSAT.
“Për të qenë korrekte ndaj shikuesve besnik të edicioneve të lajmeve në Alsat, ndjej nevojën për të kumtuar largimin tim nga kjo shtëpi mediatike. Padyshim ka qenë një rrugëtim i jashtëzakonshëm me shumë amplituda të ngjarjeve e zhvillimeve ku kam patur rastin të njoh njerëz të mrekullueshëm nga sfera të ndryshme. Gazetaria për mua paraqet pasion, dhe pasioni gjen vetiu formën dhe kanalin e vet të të shprehurit.
Faleminderit dhe u pafshim në projekte të reja!” Zejxhane Osmani.
Ndërsa prezentuesi i cili kishte punuar 9 vite, Valbon Bexheti u shpreh se është koha të largohet nga ALSAT.
“Pas gatise 9 vitesh punê aktive është koha që të largohem nga Televizioni Alsat! Dua të falenderoj fillimisht gjithê stafin e Alsatit për mbështetjen që më kanë dhënë gjithë këto vite duke filluar nga udhëheqësia e televizionit, redaktorët, gazetarët, prezantuesit, kameramanêt, montazhierët dhe të gjithë ata njerëz me të cilët pata rastin të punoj, me të cilët kam pasur raporte të shkëlqyera profesionale e miqësore. Falenderim të posaçëm për pronarin e Alsatit z.Velia i cili para 9 vitesh më dha mundësinë që unë të drejtoj lajmet e Tv Alsat”, ka shkruar Valbon Bexheti./TS/

 

 

Previous Story

Nikollë Nikprelaj në zi! Humb familjarin e tij të dashur…

Next Story

Skandaloze! “Kabineti i Bilall Kasamit” nis një emision… A po i keqpërdor paratë e komunës për propagandë politike të BESËS?

Latest from Blog

Go toTop