Grubi: Më 8 mars 2023 firmosëm marrëveshjen e korridorit 8, autostradë Shkup – Tiranë
Ish koordinatori i projektit të ndërtimit të Korridorit 8 dhe 10-D me konzorciumin Bechtel-Enka në Qeverinë 2020-2024 dhe zëvendës kryeministër i parë Artan Grubi, ka komentuar në Facebook lavdërimin e qeverisë së tanishme me projektin e qeverisë BDI-LSDM të cilin e kishin cilësuar si kriminel dhe ishin zotuar që do ta shfuqizojnë.
“Më 8 mars 2023, pas një punë dyvjeçare dhe pritjeje 31 vjeçare, u firmos marrëveshja historike për projektin më të madh dhe më ambicioz në historinë e vendit, atë të ndërtimit të korridorit 8, autostradë nga Shkupi deri në Tiranë, dhe korridorit 10-D.” shkruan Grubi.
