Si zakonisht për periudhën e verës edhe sot ka rritje të frekuencës së automjeteve në vendkalimet kufitare Tabanoc për hyrje në RMV dhe në VK Bogorodicë për dalje nga shteti. Por nuk ka vonesa të mëdha, koha e pritjes është rreth 30 minuta.
Në vendkalimet tjera kufitare nga ana e Maqedonisë nuk ka vonesa të mëdha për hyrje dhe dalje nga vendi.
LAMM rekomandon rregullim të shpejtësisë së lëvizjes, respektim të sinjalistikës në komunikacion dhe menaxhim të kujdesshëm të automjeteve, veçanërisht në rrugët nëpër lugina, lugina lumore dhe gryka, ku ka mundësi për rrëshqitje të dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
