Gjermania dhe Franca mbështesin Klan Kosovën

Ambasadori gjerman në Kosovë, Jorn Rohde, ka folur për masat e ARBK-së të ndërmarra ndaj Klan Kosovës.

Rohde ka shprehur shqetësimin e tij për këtë çështje, ndërsa në Rubikon, ofroi mbështetje ndaj lirisë së medias.

”Të gjitha shtetet tona e mbështesin lirinë e medias, prandaj jemi këtu, sepse ne duam strukturë vibrante dhe të larmishme të medias dhe jemi të shqetësuar për këto zhvillime dhe shpresojmë se do të zgjidhen së shpejti, gjithashtu aktivistët e mediave, asociacionet e gazetarëve e kanë ngritur zërin dhe nuk mendoj se kjo është rruga përpara”.

Derisa edhe ambasadori francez, Oliver Guerot duke komentuar rastin e Klan Kosovës, tha prerë se duhet të ruhet media e larmishme.

”Dua të ju falënderoj që na keni ftuar këtu, kjo është mënyra se si mund të arrijmë tek shikuesit tuaj por është edhe mënyra për të shprehur interesin që në Kosovë të ruajmë një media të larmishme, ky shqetësim specifik është i rëndësishëm, nuk dua të hyjë në detaje, zyra e BE-së është duke e përcjellë këtë çështje nga afër”.

”Pra kjo nuk është një çështje e parëndësishme për ne por nuk dua të komentoj specifikat e këtij problemi, por përsëri jam shumë i lumtur që jam këtu sonte, është mundësi për të folur me shikuesit tuaj dhe të tregojmë se diversiteti i medias është i rëndësishëm”. /Telegrafi/

Share

About Us

Follow Us

Copyright 2023. All Rights Reserved.