Gjendje kaotike në Bullgari, do të nisin bisedimet e vështira për koalicion pas zgjedhjeve të pesta në dy vjet

Bullgaria duket e gatshme për bisedime të gjata dhe të vështira për një koalicion, pasi zgjedhjet parlamentare, të pestat në dy vjet, përsëri nuk arritën të nxirrnin një fitues të qartë.

PROGRAM I PAGUAR POLITIKË 300x250

Sipas mediave të huaja, përcjell Telegrafi, një bllok i udhëhequr nga partia e qendrës së djathtë GERB e ish-kryeministrit Bojko Borisov fitoi 26.5% të votave në zgjedhjet e së dielës.

PROGRAM I PAGUAR POLITIKË 1180x200

Ndërkohë një bllok reformist properëndimor i udhëhequr nga “Ne Vazhdojmë Ndryshimin (PP)” kishte 24.9%, sipas rezultateve paraprake të bazuara në 96% të votave të numëruara.

Partia nacionaliste “Rilindja” zuri vendin e tretë me 14.4%, e MRF etnike turke ishte në vendin e katërt me 13% dhe Partia Socialiste Bullgare (BSP), trashëgimtare e Partisë Komuniste dikur të fuqishme, kishte 9%.

Bllokimi i zgjatur politik i Bullgarisë, i shkaktuar kryesisht nga armiqësia personale midis liderëve të dy blloqeve kryesore, tashmë e ka detyruar vendin të vonojë datën e synuar për adoptimin e euros dhe ende nuk ka miratuar një projekt-ligj buxhetor për vitin 2023.

Pasiguria ka penguar gjithashtu aftësinë e Bullgarisë për të shfrytëzuar fondet e BE-së për rimëkëmbjen pas pandemisë dhe analistët dhe votuesit kanë frikë se rezultati “i çrregullt” i garës të së dielës mund të çojë përfundimisht në zgjedhje të tjera që do të mbaheshin më vonë këtë vit. /Telegrafi/

PROGRAM I PAGUAR POLITIKË 300x250

Share

About Us

Follow Us

Copyright 2023. All Rights Reserved.