Tanket dhe automjetet ushtarake izraelite janë “brenda oborrit të spitalit Al-Shifa”, në Gaza, raporton CNN.
Ushtarët izraelitë ishin “në ndërtesa dhe departamente (dhe) po kryejnë operacione kërkimi dhe marrjeje në pyetje me të rinjtë mes të shtënave të forta dhe të dhunshme brenda spitalit,” thotë reporteri i CNN.
Ushtria izraelite tha të mërkurën herët në mëngjes se “po kryente një operacion të saktë dhe të synuar në Al-Shifa, spitali më i madh i Gazës. Ai akuzon militantët e Hamasit se veprojnë nën strukturën e tij – një akuzë që grupi militant dhe zyrtarët e spitalit e mohojnë.
Zëdhënësi i Forcave të Mbrojtjes të Izraelit (IDF) Peter Lerner i tha CNN të mërkurën se operacioni në spital ishte “i saktë” dhe “në vazhdimësi”.
“Operacioni ynë i nisur në orët e para të mëngjesit të sotëm në zonën e Spitalit Shifa ka qenë i saktë, i vendosur në një vend specifik brenda ambienteve të spitalit, brenda kompleksit të spitalit. Dhe me të vërtetë ai bazohej në nevojën operacionale dhe inteligjencën, dhe operacioni është në vazhdim. Nuk do të hyj në specifikat se ku apo si po vazhdojnë aktivitetet, por mund të konfirmoj se është në vazhdim”, tha Lerner.
