Delegacioni i klubit nga Arabia Saudite, Al Hilal, do të jenë këtë javë në kryeqytetin e Francës, Paris, për të diskutuar me sulmuesin e Paris Saint-Germain, Kylian Mbappe.
Megjithatë, drejtuesit e PSG-së i kanë dhënë ultimatum duke i thënë të rinovojë kontratën ose të largohet këtë verë, ndërsa së fundmi e kanë ‘përjashtuar’ edhe nga ekipi, duke mos e marrë me vete në përgatitjet para-sezonale.
Sipas ekspertit të transferimeve, Fabrizio Romano, delegacioni i Al Hilal do të jetë në Paris këtë javë pasi duan t’i propozojnë planin e tyre për Mbappen.
Delegacioni klubit saudit duan t’ia prezantojnë shansin për t’u bashkuar për vetëm një vit me ta dhe më pas të largohet në vitin 2024.
Megjithatë, burimet brenda PSG-së ende mendojnë se ai ka marrëveshje me Real Madridin për t’u transferuar në verën e ardhshme si lojtar i lirë. /Telegrafi/