Deputetja britanike që paralajmëroi sulmet serbe në Banjskë, sot vjen në Kosovë…

Kryetari i Kuvendit të Kosovës, Glauk Konjufca do ta pres sot në takim deputeten britanike, Alicia Kearnd, shkruan Gazeta Express.

Sipas njoftimit, takimi do të mbahet në orën 13:00, në kabinetin e Konjufcës.

Deputetja britanike, Alicia Kearns, pati thënë  në korrik se ka armë që po kontrabandohen nga Serbia në Kosovës përmes autoambulancave dhe po shkarkohen në kishat ortodokse. Ajo tha se për këtë KFOR-i britanik është në dijeni.

“Qeveria është e vetëdijshme, me Fusilierët [regjiment ushtarak britanik] që sapo janë kthyer nga shërbimi në KFOR, se ka armë që kontrabandohen përtej kufirit nga Serbia në kishat ortodokse me ambulanca. Kur trupat tona vihen në dijeni për këtë dhe përpiqen të marrin leje për të shkuar dhe për t’i marrë ato, lejet zgjasin shumë. Deri në momentin që ka leje – të papritura – një ambulancë veçse ka shkuar në kishë dhe ka shkarkuar përsëri të gjitha armët”.

Në fjalimin e04 korrikut në Parlamentin e Britanisëj, që kryesisht iu kushtua përkujtimit të Srebrenicës, ajo përmendi edhe eksportin e armëve të Britanisë së Madhe drejt Serbisë, raporton Gazeta Express.

Do të prek shkurtimisht politikat tona të eksportit ndaj Serbisë. Unë jam shumë e shqetësuar për faktin se ne po i shesim municione të vogla Serbisë. Duke qenë se policia kundër terrorizmit atje ka kryer sulme dhe ka rrëmbyer tre policë kosovarë, si e dimë ne se asgjë që i kemi shitur Serbisë nuk përdoret në atë kontekst?”

Kearns kërkoi që të frenohen të gjitha eksportet në Serbi.

Share

About Us

Follow Us

Copyright 2023. All Rights Reserved.