Real Madrid e ka ndjekur progresin e Reece James për një kohë të gjatë, dhe është raportuar në shumë raste se madrilenët e konsiderojnë atë si një kandidat të përshtatshëm për pozitën e mbrojtësit të djathtë.
Deri më tash anglezi nuk ka shfaqur shenja pakënaqësie tek klubi londinez, aty ku mori shiritin e kapitenit dhe iu dha një kontratë afatgjatë.
Por, siç raportojnë mediat angleze, në rast se forma e dobët e Chelsea vazhdon, 23-vjeçari mund të ndryshojë mendje.
“Reece James është në dijeni të interesimit nga ana e Real Madrid, por momentalisht ai është i fokusuar vetëm tek Chelsea”, ka thënë fillimisht Jones.
Tutje, ai shtoi se Chelsea duhet ta marrë vetën sa më parë përndryshe në të ardhmen Reece James mund të mendoj largimin nga Londra.
Reece James momentalisht është jashtë fushave që nga 13 gushti, teksa numri i ndeshjeve që ka humbur këtë sezon ka shkuar në gjashtë. /Telegrafi/
