Bombardimi i spitalit në Gaza/ Izraeli publikon biseda midis anëtarëve të Hamas-it, pretendon prova të përfshirjes së tyre…

October 18, 2023

Izraeli publikoi një bisedë mes dy pjesëtarëve të Hamasit për Spitalin Al Ahli al Arabi.

Në rrjetin social X ose më parë Twitter, një llogari e Ministrisë së Jashtme të Izraelit publikoi një bisedë mes dy operativëve të Hamasit për spitalin Al Ahli al Arabi.

Izraeli thekson se në thirrje pjesëtarët e Hamasit flasin se si spitali Al Ahli al Arabi u godit nga një raketë e lëshuar nga Gaza. Një regjistrim i bisedës u publikua gjatë një konference të Forcave të Mbrojtjes Izraelite, në të cilën Izraeli mohoi përgjegjësinë për shpërthimin në spital.

 

Për të kujtuar, një gazetar i Washington Post publikoi një video që supozohet se tregon momentin kur një raketë goditi Spitalin Al-Ahli në Gaza. Të paktën 500 njerëz vdiqën në sulm, dhe numri i të vdekurve tani mendohet të kalojë 1000. Presidenti palestinez Mahmoud Abbas shpalli tre ditë zie dhe anuloi takimin me Presidentin e Shteteve të Bashkuara të Amerikës, Joseph Biden, i cili duhej të mbahej në Jordani të mërkurën.

Izraeli fillimisht pretendoi se Hamasi ishte përgjegjës për bombardimin e spitalit. Megjithatë, më vonë përsëri tha se kishte informacione që tregonin se grupi islamik palestinez Xhihad ishte përgjegjës për sulmin me raketë.

Previous Story

Ylli i Juventusit: Kam 3 milionë euro borxh, nuk fle, fajdexhinjtë i kam te dera!

Next Story

MF: U publikuar prospekti për emetimin e dytë të fletobligacionit të qytetarëve me interes prej 5%.

Latest from Blog

Go toTop