Deponia e fshatit Debërcë në komunën e Zhelinës, ka disa ditë që po digjet derisa autoritetet e komunës nuk kishin ndërmarë asnjë veprim konkret.
Zjarret janë ende aktive teksa banorët e fshatit dhe vendeve përreth po thithin ajër të ndotur.
Ndonëse që disa ditë rradhazi nuk arriti të menaxhonte situatën me zjarrin, kryetari i Komunës së Zhelinës, Blerim Sejdiu kishte bërë kërkesë për ndihmë në shuarjen e zjarreve Qendrës për Menaxhim me Kriza.
Në dokumentin të cilin e kemi siguruar, vërehet se kërkesa e parashtuar është vetëm në gjuhën maqedonase, duke anashkaluar krejtësisht gjuhën shqipe e cila njihet tashmë si gjuhë zyrtare në Maqedoninë e Veriut.
