Zëvendëskryeministri i parë, Artan Grubi në ngjarjen ‘Maqedonia e Veriut – sot dhe nesër” e cila u mbajt në hapësirat e UEJL-së, tha se rinia ka gjithmonë një rol të rëndësishëm në vendimmarrje dhe politikbërjen në shtet, madje ai studentëve u ofroj dhe vizitë në ministrinë të cilën ai e drejton.
“Dyert në ministrinë që unë e drejtoj janë të hapura gjithmonë për rininë. Gjithmonë do të ju pres në rast se shprehni interesim për takim apo dëshirë për tu njoftuar me punën që bëjmë ne atje, madje edhe për punë praktike pse jo. Gjithmonë kam thënë se them se neve na duhen njerëz punëtore dhe të vyjshëm, ndaj shihni se ku mund të jepni kontribut, sepse tek ne I keni dyert e hapura për ndërtim të përvojes profesionale”, deklaroi Grubi.
