Bashkimi Demokratik për Integrim ka shpallur zgjedhje të brendshme, në të cilët nëpërmes modelit “një anëtar, një votë” do të zgjedhë disa kryetarë degësh.
Zgjedhje ka edhe në degën e Çairit. Për këtë degë janë paraqitur dy kandidatura, Bekim Neziri që është më favoriti, po dhe Rexhep Ademi, i cili gjithashtu ka shpallur zyrtarisht kandidaturën dhe do të kërkojë votën e anëtarëve për të udhëhequr me degën e BDI-së në Çair 4 vitet e ardhshme.
Qytetarët e Çairit të anketuar nga indeks.mk thonë se Neziri është njeriu i duhur për të udhëhequr degën duke pasur parasysh përvojën politike dhe veprimin në këtë parti që nga viti 2001, respektivisht nga themelimi i kësaj partie po edhe aftësitë e tij, të cilat sipas qytetarëve i tregoi në kohën kur ka udhëhequr me disa resorë në Qeveri, në periudha të ndryshme.
Ka që thonë se ai është dashur të jetë kandidati i vetëm dhe askush nuk është dashur të del kundër tij, megjithatë asnjëri nuk pati mendim negativ as për Ademin.
Për qytetarët është e rëndësishme që ai që do të vijë në këtë pozitë të angazhohet dhe të punojë për popullin që i ka besuar dhe do ta mbështesin në të ardhmen.
Ndryshe, Bekim Neziri ka një biografi të gjatë politike dhe para se të konkurrojë për pozitën e të parit të Çairit, në vitin 2015-të ka qenë kryetar i shtabit zgjedhor komunal, kurse në periudhën 2014-2016, për dy vite radhazi ka udhëhequr me Ministrinë e Ekonomisë.
Neziri gjithashtu ka qenë edhe shef i shtabit qëndror zgjedhor dhe disa herë ka udhëhequr edhe zgjedhjet në Çair. Ai në vitin 2020, gjithashtu ka qenë edhe kandidat për deputet nën logon e Bashkimit Demokratik për Integrim në zonën zgjedhore numër 3, rajonin e Velesit dhe Çashkës.
