Analistët: Ndryshimet kushtetuese me rëndësi për vendin

May 17, 2023

Ndryshimet Kushtetuese domosdoshmërisht do të duhet të kalojnë nëse duam të kemi një stabilitet politik në vend, vlerësuan analistët politik në emisionin “Argument” në TVM2, përcjell Indeks.mk

Sipas ish-deputetit Ismet Ramadani, edhe pse opozita Maqedonase VMRO-DPMNE-ja po dëshiron të tregohet se është parti e fuqishme dhe homogjene, ndërsa presioni ndërkombëtarë mbi ta do të rritet.

“Mendoj se VMRO-DPMNE-ja nëse edhe më tutje vazhdon me këtë kokëfortësi, ndërsa unë kam informacione se vlon diçka atje dhe e pengon ecjen drejt Bashkimit Evropian, sado që VMRO-DPMNE-ja dëshiron të shitet se është parti e fortë, është homogjene dhe e pathyeshme, presioni ndërkombëtarë mbi ta aq shumë do të rritet, sepse ata tani kanë shkelur në prishjen e një gjeopolitike, strategjinë dhe ata nuk e kanë gjetur as kohën e as momentin për të bërë rezistencë.”, – deklaroi ish-deputeti, Ismet Ramadani.

Nga ana tjetër, ish-deputeti tjetër Abdyladi Veseli nuk beson se mund të përsëritet skenari me ndryshimet kushtetuese për emrin teksa thotë se për t’i kaluar ndryshimet kushtetuese, po i kushton vendin me lirimin e kriminelëve nga borxhet.

“Ajo që ndodhi me Ndryshimet Kushtetuese me deputetët e VMRO-së, unë mendoj se dy herë e njëjta gjë nuk përsëritet. Ato thonë se do t’i sigurojnë 10 deputetë, i siguruam edhe atëherë 8 deputetë, por e kriminalizuan Maqedoninë dhe krejt kriminelët dolën nga burgjet.”, – theksoi ish-deputeti, Abdyladi Veseli.

Previous Story

Arbër Ademi deputetit të VMRO-së ia kujton autostradën Kërçovë – Ohër, ne nuk jemi si ju!

Next Story

110 milionë denarë investim, Grubi: Fshatrat Kolibar dhe Cërvicë të Kërçovës po bëhen me sistem për ujitjen e tokave bujqësore

Latest from Blog

Go toTop