Ali Ahmeti: BDI mbetet gardian i përhershëm i Marrëveshjes së Ohrit, të Prespës dhe asaj për fqinjësi të mirë

Kryetari i Bashkimit Demokratik për Integrim, Ali Ahmeti ka mirëpritur sot në takim Ana Lirman, ministre për Europë në Republikës Federale të Gjermanisë, Laurence Boone, sekretare shtetërore të angazhuar për Europë në Këshillin e Ministrave të Republikës së Francës dhe Shimon Shinkovski vel Senk, ministër për çështje europiane në Republikën e Polonisë, si dhe ambasadorët e Gjermanisë, Francës dhe Polonisë në Maqedoninë e Veriut.

“Në fokus të takimit ishin rrethanat jetike në të cilat ndodhet Maqedonia e Veriut për të përshpejtuar hapin drejt integrimit europian, si rëndësia e miratimit të ndryshimit kushtetuese, zgjidhja përfundimtare të kontestit me Bullgarinë mbi shembullin e pajtimit franko-gjerman, përkushtimi për zbatimin e reformave të brendshme, procese këto që kërkojnë kompaktësi veprimi”, thuhet në njoftimin e BDI-së.

Ali Ahmeti, shkruan mëtej në njoftimin partiak, elaboroi para përfaqësuesve të aleatëve ndërkombëtar të vendit iniciativën e ndërmarrë nga ana e subjektit të tij për krijimin e një fronti europian, insistimin e vazhdueshëm për reflektim nga ana e të gjithë palëve për tejkalimin e këtij ngërçi duke besuar se edhe në rradhët e VMRO DPMNE-së opozitare ka forca europiane që mendojnë për të mirën e vendit dhe nuk e duan izolimin e tij.

“Kryetari Ahmeti poashtu potencoi se BDI mbetet gardian i përhershëm i Marrëveshjes së Ohrit, asaj të Prespës dhe Marrëveshjes për fqinjësi të mirë që të miratuara me mbështetjen e faktorit ndërkombëtar janë bërthama e paqes, progresit dhe perspektivës europiane të vendit”, thonë nga BDI.

Ndërkaq, siç njoftojnë nga BDI, përfaqësuesit e vendeve anëtare të Europës në takimin e sotëm shprehën mbështetjen e thellë për ndërmarrjen e hapave të duhura që do ta shpiejnë vendin dhe rajonin aty ku e kanë vendin, në Bashkimin Europian.

Share

About Us

Follow Us

Copyright 2023. All Rights Reserved.