Nën organizimin e kryetarit të Bashkimit Demokratik për Integrim, Ali Ahmeti sot u mbajt Akademi Solemne dedikuar 111 vjetorit të Pavarësisë së Shqipërisë.
Ahmeti në Facebook teksa ka shpërndarë disa fotografi nga ngjarja, shkruan se festimi i 28 nëntorit nuk ka munguar as në vitet më të vështira të mbushura me sakrificë për popullin shqiptar, ndaj sot festohet në liri me nderimet më të larta.
Statusi i plotë:
Akademia e sotme solemne që na mblodhi për të kujtuar madhështinë e flamurit tonë kombëtar dhe rrugëtimin e tij ndër shekuj, më solli në mendje ato çaste kur në heshtje, pa këngë, duke u parë vetëm sy më sy, me zemrën e shpirtin plot krenari, festohej 28 nëntori në kazamatet e Jugosllavisë nga rinia studentore shqiptare, ligjeratat e Hamzë Jasharit që mblidhte fëmijët e Prekazit për t’ju treguar për këtë festë, sakrificën e Fazli Grajqevcit e Murat Mehmetit për këtë flamur.
Asgjë nuk mund të ketë peshë më të madhe se ato çaste, se sakrificat e brezave të tërë për flamurin e gjuhën, se valëvitja e flamurit kombëtar në duart e pjesëtarëve të Ushtrisë Çlirimtare të Kosovës dhe Ushtrisë Çlirimtare Kombëtare.
Faleminderit të gjithë për uratat!
Valoftë gjithmonë i lirë flamuri ynë kombëtar!🇦🇱
https://m.facebook.com/story.php?story_fbid=pfbid0AsrKKavMWWHemaZYB8evHoYN38u7qrzdGRghBH5de3py5RDUannBnF4CyNL9LhhAl&id=100044523937585&mibextid=Nif5oz
