A e dini pse hurmat janë kaq fantastike për organizmin

Hurmat të ashtuqujtura “arabe” janë një lloj fruti që konsumohet më së shumti gjatë muajit të agjërimit mysliman, Ramazanit. Këto lloj hurmash, të cilat gëzojnë dhe statusin e ushqimit profetik, kanë një gamë të gjerë vlerash shëndetësore dhe kjo është arsyeja pse ato konsiderohen më të shëndetshmet.

PROGRAM I PAGUAR POLITIKË 300x250

200 gramë hurma ofrojnë më shumë se 6.5 për qind të dozës së rekomanduar të kalciumit dhe fosforit së bashku me 14 për qind magnez – një mineral i rëndësishëm për forcimin e kockave dhe ruajtjen e strukturës së duhur të tyre. Kaliumi, vitamina K dhe mangani në hurma janë gjithashtu të rëndësishme për shëndetin e kockave. Konsumimi i rregullt në mëngjes i hurmave përmirëson densitetin e kockave dhe mund të parandalojë osteoporozën.

PROGRAM I PAGUAR POLITIKË 1180x200

E favorshme për gratë shtatzëna dhe laktuese

Konsumimi i rregullt i hurmave ndihmon në forcimin e muskujve të mitrës dhe ndihmon trupin të përgatitet për fazën përfundimtare të shtatzënisë. Pas lindjes, ato veprojnë si një mjet i dobishëm për nënat me gji dhe nxisin laktacion më të mirë. Ato ndihmojnë gjithashtu tkurrjen më të shpejtë të muskujve të mitrës dhe mundësojnë rikuperim më të shpejtë.

Po pse rekomandohet prishja e agjërimit me hurma?

Hurmat janë të pasura me fibra dhe janë një burim i fuqishëm i lëndëve ushqyese që parandalojnë problemet e stomakut dhe metaplazinë e zorrëve. Për shkak të këtyre lëndëve ushqyese, si dhe efektit antioksidues, rekomandohet fundi i agjërimit me hurma.

Pas disa orësh urie, ajo që trupi ka më shumë nevojë është sheqeri. Hurma është e pasur me këtë, prandaj është shumë e rëndësishme që agjëruesi ta prishë agjërimin me hurmë, sepse trupi merr atë që i nevojitet më shumë dhe meqë nuk merr ushqim të rëndë, nuk do të ketë probleme me fryrje dhe dispepsi.

Përveç kësaj, duke qenë se japin ndjenjën e ngopjes, në vend të konsumimit të tepërt të ushqimit, iftari duhet të jetë proporcional. Pas hurmave, ujit dhe lëngut të mishit, agjëruesi tashmë ndjen një ngopje të lehtë dhe në këtë mënyrë sigurohet ekuilibri i trupit.
Hurmat janë gjithashtu shumë të pasura me vitaminë B, dhe vitamina B lejon qelizat të rigjenerohen shpejt. Përveç kësaj, ato janë të pasura me magnez dhe magnezi zvogëlon rrezikun e problemeve shëndetësore si dobësia, dhimbje koke dhe stresi gjatë ditës.

Nga ana tjetër, nëse nuk ka hurma, ekspertët rekomandojnë prishjen e agjërimit me ullinj. Rekomandohen dy ullinj pak të kripur dhe një gotë ujë. Ashtu si hurmat, ullinjtë e pasur me fibra janë efektivë për shëndetin e stomakut. Ullinjtë përmbajnë edhe substanca që stimulojnë punën e hormoneve në organizëm. /tesheshi.com/

PROGRAM I PAGUAR POLITIKË 300x250

Share

About Us

Follow Us

Copyright 2023. All Rights Reserved.