Për dy ditë, kombëtarja e Zvicrës do të udhëtojë për në Leskovc ku do ta presë Serbia.
Ndeshjet e kaluara mes dy skuadrave ishin shumë shpërthyese.
Mesfushori 32-vjeç i Zvicrës, Remo Freuler, i cili sipas “Blick” e ka gruan serbe dhe flet pak serbisht, në konferencën e sotme për media para përballjes me Serbinë, është pyetur nëse është i gatshëm ta luajë rolin e “truprojës” së Granit Xhakës nëse do të sulmohet, raporton Klankosova.tv.
“Nuk mendoj se diçka e tillë do të jetë e nevojshme. Asgjë nuk do të ndodhë”, u përgjigj ai.
Serbia do ta presë Zvicrën të shtunën me fillim nga ora 20:45, ndeshje e cila do të transmetohet direkt në platformën numër një në vend, Armotion. /Klankosova.tv
