Kryetari i Bashkimit Demokratik për Integrim, Ali Ahmeti ka kujtuar ngjarjen e rëndësishme për popullin shqiptar, Lidhjen e Prizrenit.
Ahmeti shkruan se edhe 145 vite më pas, kjo ngjarje frymëzon për atdhedashuri dhe unitet kombëtar.
Statusi i plotë:
Rrënjët e identitetit tonë kombëtar kanë qëndruar të paprekura falë besëlidhjeve dhe qëndresës kombëtare që bashkonin kokat e ndritura të kombit dhe pushkët e trimave për lirinë e tokave shqiptare.
Sot kujtojmë me krenari një nga ato ngjarje të bashkimit kombëtar – Lidhjen e Prizrenit të vitit 1878, vazhdimësinë e Besëlidhjes së Lezhës së Skenderbeut që determinoi fatin e ekzistencës sonë kombëtare në çastet vendimtare.
145 vjet më pas, fryma e kësaj lidhje dhe porositë atdhetare të krerëve të saj janë gjallë, udhërrëfyes i padiskutueshëm i unitetit kombëtar të së sotmes.
