PORTAL INFORMATIV CONTACT MARKETING
Marcelo rrezikon të ketë të njëjtin fat si CR7
Posted date: 11.09.2017
Real Madrid ka marrë një barazim zhgënjyes në javën e fundit të kampionatit spanjoll kundër Levante-s, një ndeshje që “Los Blancos” e kanë luajtur në shtëpi. Përveç dy pikëve të humbura, Zinedine Zidane rrezikon të humbasë për një kohë të gjatë edhe mbrojtësin brazilian Marcelo.

Futbollisti është ndëshkuar me kartonin e kuq në minutat e fundit të atij takimi pasi ka goditur Vieira da Silva. Sipas rregullores, gjestet antisportive mund të ndëshkohen deri në katër javë pezullim. Kështu, pas skualifikimit prej pesë ndeshjesh të Cristiano Ronaldo, i cili ka shtyrë arbitrin në ndeshjen e Superkupës së Spanjës kundër Barcelona-s, Real Madrid mund të mos ketë në dispozicion për një kohë të gjatë edhe brazilianin.

Javët e ardhshme duket se do të jenë shumë të vështira për trajnerin francez, i cili nuk do të ketë në dispozicion as Karim Benzema, me këtë të fundit që është dëmtuar pikërisht në ndeshjen kundër Levante-s. Sulmuesi pritet të mungojë për 4-6 javë.